Guyon Maton

Neng kene Aku arep nyritakake ngenani koncoku. Koncoku nduwe pacar, pacare sak sekolahan nanging beda kelas. Neng sekolahan chattingan kangen-kangenan, padahal mbendina ya pethukan, budhal muleh bareng malahan, anggite sekolah mung gae nggon pacaran. Trus lak pacaran kui ora kaya wong pacaran sing biasane, mangan bareng, dolan bareng, koncoku kui lek pacaran mung muter-muter tok, kaya game slither.io. Contone, dolan neng Malang ya mung lewat tok, ora mampir neng nggon wisata apa tah mampir golek mangan, wis teka Malang malah muleh maneh. Ya mending golek mangan neng cedhek-cedhekan omah, ana tujuan, gak kesel, warek, hemat bensin pisan.

Koncoku iki senengane ngegame, sampe-sampe ora ileng wektu. Untunge jek ileng karo awake dewe lan konco-koncone. Jajal bayangno seumpomo gak ileng, enak-enak ngegame trus tak takoki,

“awakmu nyapo neng kene? Ayo neng kantin wes ngaso iki!”

“awakmu lo sopo kok ngejak Aku neng kantin?” jawabe koncoku

“Aku koncomu, mosok awakmu gak kenal Aku” jawabku, trus koncoku malah takok,

“ket kapan Aku nduwe konco awakmu, sak ilengku gak nduwe konco koyok awakmu deh?”

Lak wes koyok ngene apa ya gak bahaya jenenge. Amerga game tok ae iso nggarakne wong amnesia. Mbalek neng game maneh, saking senenge ngegame, wayae pelajaran koncoku kui ya ngegame, padahal ya wes bolak-balik diweruhi lan diseneni guru, nanging ya panggah ae ngegame. Apa perlu kabeh game dilenyapne ben ora ngegame maneh, lek ora ngunu ya sing ngegame ae dilenyapne.

                Sakliyane ngegame, koncoku ya seneng olahraga. Neng sekolahan jadwale seminggu mung sepisan tok, nanging koncoku iso peng 5 barang, amerga yen ora ana pelajaran malah olahraga. Saking senenge olahraga, sakwise upacara koncoku ora mbalek neng kelas malah mlayu-mlayu ngubengi lapangan. Wes entok 5 puteran, koncoku mbalek neng kelas trus takoki,

                “mbendino kok olahraga ae to awakmu, apa gak kesel?”, trus koncoku njawab,

                “sopo seng olahraga, Aku iki mau mlayu-mlayu ngubengi lapangan amerga dihukum karo guru piket amerga Aku telat”.

Dolan Menyang Pantai Klayar

     Ing dina Minggu, Aku, Iman lan kanca-kanca budal menyang Pacitan. Jam setengah 4 sore budal saka Plemahan liwat Nganjuk-Madiun-Ponorogo-Pacitan. Nanging isih teka Kertosono (Nganjuk) wis udan. Kita sepakat nggawe mantel kabeh.Udane ora suwi, banjur kita nyepot mantel lan mbacutake perjalanan. Teka Madiun udan, Aku lan Iman kepisah karo kanca-kanca. Aku mampir neng musholla karo ngenteni kanca-kancane Iman.  Maghrib kanca-kancane Iman teka lan kita shalat bareng-bareng.

     Sakwise shalat Maghrib lan wis ora udan, kita mbacutake perjalanan. Amerga wis bengi lan lali dalan, kita keblabasen nganti teka Magetan. Kita takok wong dalan menyang Ponorogo. Trus kita mbacutake perjalanan. Jam 9 bengi kitat eka Alun-Alun Ponorogo. Kita tuku mangan, mlaku-mlaku lan foto-foto ing Alun-Alun. Banjur mbacutake perjalanan menyang omahe dulure Marko, kancane Iman, amerga kita nginep neng kono. Jam 10 bengi kita wis teka, banjur kita leren nganti esuk.
     Jam setengah 5 esuk kita tangi lan budal menyang musholla, shalat Subuh. Banjur sarapan lan mbacutake perjalanan menyang Pacitan. Teka Pacitan udan, kita ngiyup neng ngarepe toko nganti udane rodok terang.Sakwise terang, kita nglanjutake perjalanan menyang Pantai Klayar.
     Jam 10 esuk kita teka Pantai Klayar. Ing Pantai Klayar kita dolanan banyu, foto-foto lan nyawang pemandangan kang apik banget. Kita renang ing pinggiran Pantai amerga ombake gedhe.Sakwise kesel renang, kita tuku mangan neng warung sing ana neng Pantai. Wis kesel dolanan neng Pantai, kita muleh. Jam setengah 2 kita budal muleh.
     Metu teka Pantai, ana Cobra nyebrang dalan.Kita mandhek ngenteni Cobra nganti teka pinggird alan.Banjur kita mbacutake perjalanan muleh liwat Trenggalek-Tulungagung-Kediri. Neng dalan Rizal lan Anwar (kancane Iman) tiba, amerga Anwar sing digonceng ngantuk. Banjur kita leren neng musholla karo shalat Dhuhur.Amerga wis sore, kita mbacutake perjalanan. Liwat Trenggalek kita ngliwati gunung-gunung sing dalane munggah-mudhun.
     Teka Tulungagung kita leren lan mangan neng warung. Banjur kita mbacutake perjalanan muleh. Kita teka Plemahan jam 9 bengi. Amerga wis bengi, kita muleh menyang omahe dhewe-dhewe.